- પોલાર્ડ અગાઉ સાઉથ આફ્રિકાનો હર્ષલ ગિબ્સ અને ભારતનો યુવરાજ સિંહ એક ઓવરમાં 6 સિક્સ મારી ચૂક્યા છે
- અકિલા ધનંજયે એક ઓવરમાં 6 સિક્સ આપી એ પહેલાંની ઓવરમાં હેટ્રિક લીધી હતી
વેસ્ટ ઇન્ડીઝના કાયરન પોલાર્ડે શ્રીલંકા સામેની T-20માં એન્ટીગુઆ ખાતે ઓફ-સ્પિનર અકિલા ધનંજયની એક ઓવરમાં 6 સિક્સ મારી છે. પોલાર્ડ T-20 ઇન્ટરનેશનલમાં એક ઓવરમાં 6 સિક્સ મારનાર યુવરાજ સિંહ પછી બીજો અને ઓવરઓલ ઇન્ટરનેશનલ ક્રિકેટમાં સિદ્ધિ મેળવનાર ત્રીજો બેટ્સમેન બન્યો છે.
ઇનિંગ્સની છઠ્ઠી ઓવરમાં 6 સિક્સ મારી
કાયરન પોલાર્ડે ઇનિંગ્સની છઠ્ઠી ઓવરમાં અકિલાને ધોઈ નાખ્યો હતો. તેણે પ્રથમ બોલે લોન્ગ-ઓન પર, બીજા બોલે ડાઉન ધ ગ્રાઉન્ડ, ત્રીજા બોલે લોન્ગ-ઓફ પર, ચોથા બોલે મિડવિકેટ પર, પાંચમા બોલે ડાઉન ધ ગ્રાઉન્ડ અને છઠ્ઠા બોલે કાઉ કોર્નર પર સિક્સ મારી હતી.
6 સિક્સ આપી એ પહેલાંની ઓવરમાં હેટ્રિક લીધી હતી
અકિલાને છઠ્ઠી ઓવરમાં 6 સિક્સ પડી એ પહેલાંની ઓવરમાં તેણે હેટ્રિક લીધી હતી. ઇનિંગ્સની ચોથી ઓવરના બીજા, ત્રીજા અને ચોથા બોલે તેણે એવિન લુઈસ, ક્રિસ ગેલ અને નિકોલસ પૂરનને આઉટ કરીને હેટ્રિક કમ્પ્લીટ કરી હતી. જોકે એ પછીની જ ઓવરમાં વિન્ડીઝના કપ્તાન પોલાર્ડે તેની ખુશીને દુઃખમાં કન્વર્ટ કરી નાખી હતી.
ઇન્ટરનેશનલ ક્રિકેટમાં 6 સિક્સ મારનાર બેટ્સમેન
હર્ષલ ગિબ્સ, સાઉથ આફ્રિકા vs નેધરલેન્ડસ્, વનડેમાં, 2007
યુવરાજ સિંહ, ઇન્ડિયા vs ઇંગ્લેન્ડ, T-20માં, 2007
કાયરન પોલાર્ડ, વિન્ડીઝ vs શ્રીલંકા, T-20માં, 2021
વિન્ડીઝ 4 વિકેટે મેચ જીત્યું
શ્રીલંકા સામેની T-20માં 134 રનનો પીછો કરતાં વિન્ડીઝે 13.1 ઓવરમાં 6 વિકેટ ગુમાવી ટાર્ગેટ ચેઝ કર્યો. 11 બોલમાં 6 સિક્સની મદદથી 38 રન કરનાર પોલાર્ડ મેન ઓફ ધ મેચ બન્યો.
વિન્ડીઝ 4 વિકેટે મેચ જીત્યું
શ્રીલંકા સામેની T-20માં 134 રનનો પીછો કરતાં વિન્ડીઝે 13.1 ઓવરમાં 6 વિકેટ ગુમાવી ટાર્ગેટ ચેઝ કર્યો. 11 બોલમાં 6 સિક્સની મદદથી 38 રન કરનાર પોલાર્ડ મેન ઓફ ધ મેચ બન્યો.
