વોશિંગ્ટન. વિશ્વમાં કોરોનાવાઈરસથી 18 લાખ 52 હજાર 652 લોકો સંક્રમિત છે. એક લાખ 14 હજાર 208 લોકોના મોત થઈ ચૂક્યા છે. તેમાંથી ચાર લાખ 23 હજાર 400 લોકો સાજા થઈ ચૂક્યા છે. સૌથી વધુ પ્રભાવિત અમેરિકા છે. જોકે અહીંના ન્યુયોર્ક સ્ટેટમાં એક દિવસમાં થનાર મોતમાં ઘટાડો આવ્યો છે. અહીં 24 કલાકમાં 1,528 લોકોના મોત થયા છે. તેમાં ન્યુયોર્કમાં માત્ર 758ના મોત થયા છે. એક દિવસ પહેલ દેશમાં 1920 અને રાજ્યમાં 783 લોકોએ જીવ ગુમાવ્યો હતો.
ઈટલીઃ 19 માર્ચ બાદ સૌથી ઓછા મોત
ઈટલીમાં રવિવારે 431 લોકોના મોત થયા છે. 19 માર્ચ બાદ મોતોનો આ સૌથી ઓછો આંકડો છે. શનિવારે અહીં 619 લોકોએ જીવ ગુમાવ્યો હતો. અહીં અમેરિકા બાદ સૌથી વધુ 19 હજાર 899 લોકોએ જીવ ગુમાવ્યો છે. જ્યારે એક લાખ 56 હજાર 363 લોકો સંક્રમિત છે.
ફ્રાન્સઃ એરક્રાફટ કેરિયર તૈનાત 1900 સૈનિક આઈસોલેટ
ફ્રાન્સના પરમાણુ શક્તિ સંપન્ન એરક્રાફટ કેરિયર ચાર્લ્સ-ડે-ગુલ્લેના 50 સૈનિકોનો કોરોનાનો રિપોર્ટ પોઝિટિવ આવ્યા બાદ વિમાનમાંના 1900 સૈનિકોને આઈસોલેટ કરવામાં આવશે. સ્થાનિક અધિકારીઓએ કહ્યું કે તેમને વિમાનમાંથી કાઢવાનું ઓપરેશન શરૂ કરવામાં આવ્યું છે. આ દરમિયાન એ પણ સુનિશ્ચિત કરવામાં આવશે કે આગળ સંક્રમણનો ખતરો ન સર્જાય. ફ્રાન્સમાં પણ મોતની સંખ્યામાં ઘટાડો આવ્યો છે. એક દિવસમાં અહીં 315 લોકોએ જીવ ગુમાવ્યા છે. જ્યારે એક દિવસ પહેલા જ અહીં 345 લોકોએ જીવ ગુમાવ્યો હતો. અત્યાર સુધીમાં 14 હજાર 393 લોકોએ જીવ ગુમાવ્યો છે, જ્યારે એક લાખ 32 હજાર 591 સંક્રમિત છે.
ચીનઃ 108 નવા મામલા
ચીનના સ્વસ્થ્ય વિભાગે સોમવારે જણાવ્યું કે દેશમાં કોરોનાના નવા 108 કેસ નોંધાયા છે. તેમાં 98 કેસ વિદેશમાંથી આવેલા લોકોના છે. જ્યારે 10 સ્થાનિક લોકો પણ સંક્રમિત છે. તેમાં હેડલોંગજિયાં પ્રાંતના સાત અને ગુઆંડોંગ પ્રાંતના ત્રણ કેસ સામેલ છે, જ્યારે 3,341 લોકોના મોત થઈ ચૂક્યા છે.
ઈઝરાયલઃ દેશના પૂર્વ પ્રમુખ રબ્બી ડોરનનું મોત
ઈઝરાયલના પૂર્વ પ્રમુખ રબ્બી અલિયાહૂ બક્શી ડોરનનું કોરોનાવાઈરસના કારણે મોત થયું છે. તેઓ 79 વર્ષના હતા. જેરુશેલમના શેર જેડેક મેડિકલ સેન્ટરે રવિવારે આ માહિતી આપી હતી. હોસ્પિયલ એડમિનિસ્ટ્રેશનના જણાવ્યા અનુસાર, તેઓ થોડા દિવસો પહેલા જ દાખલ થયા હતા. તેમની સ્થિતિ રવિવારે ખૂબ જ ખરાબ થઈ ગઈ હતી. કોરોના સિવાય તેમને ઘણી બીમારીઓ હતી. તેમણે 1993થી 2003ની વચ્ચે ઈઝરાયલના પ્રમુખ રબ્બીના રૂપમાં કાર્ય કર્યું હતું.
